दिगो विकास लक्ष्यमा योगदान पुर्‍याउने मेयर दीपक रिसाललाई अवार्ड प्रदान

क्यान्सर पीडितहरुका लागि स्थानीय तहको सिफारिसमा संघ सरकारले एक लाख रुपैयाँ अनुदान दिने गरेको छ। रोगको गम्भीरता र त्यसको उपचारमा लाग्ने खर्चका अघि त्यो हात्तीको मुखमा जिरा जस्तै हो। दुस्ख परेकालाई सिफारिस होइन, सहयोग गर्ने मनसाय बनाएर गोकर्णेश्वर नगरपालिकाका मेयर दीपककुमार रिसालले थप ५० हजार सहयोग गर्ने निर्णय पहिलो कार्यपालिकाको बैठकबाट गराए। पाइपाइ संकलन गरेर ज्यान बचाउन दौडधुप गरिरहेका बिरामीलाई यसले राहत दिलायो। यस्ता दीर्घरोगका लागि दीर्घकालीन रुपमै केही गर्ने हुटहुटीका कारण क्यान्सरको समुदायस्तरमा परीक्षणको अभियान चलाए। शंकास्पदको पुनस् परीक्षण नगरपालिकाबाटै गराए। नगर अस्पतालको विकासमा प्राथमिकता दिइएको छ भने ७० वर्षमाथिका बिरामीको ७० प्रतिशत उपचार खर्च नगरले व्यहोर्ने नीति लिइएको छ। पालिका अस्पतालमा स्वास्थ्य बीमाले भुक्तानी नदिँदा नगरले भरथेग गर्ने प्रणाली बसाइएको छ।