कांग्रेस केन्द्रीय समिति बैठक आज पनि जारी रहने

काठमाडौँ– नेपाली कांग्रेसको केन्द्रीय समिति बैठक आज पनि बस्दैछ । बैठक पार्टी केन्द्रीय कार्यालय सानेपामा बिहान ११ बजे बस्ने छ ।

गत मङ्गलबारदेखि सुरु भएको केन्द्रीय समिति बैठकमा केन्द्रीय सदस्यहरूले धारणा राख्ने क्रम जारी रहेको छ ।

केन्द्रीय सदस्यहरूलाई बैठकमा प्रस्तुत विभिन्न १० एजेन्डामा केन्द्रित भएर ७ मिनेट मित्र आफ्ना धारणा राख्न समय निर्धारण गरिएको छ ।

यसअघि धारणा राखेका सदस्यहरूले पार्टीभित्र गुटगत गतिविधि बढेकोमा चिन्ता व्यक्त गर्दै कांग्रेसलाई एक ढिक्का बनाएर लैजानु पर्नेमा जोड दिएका थिए ।