आज एकीकृत माओवादी, समाजवादी र राप्रपाले घोषणापत्र सार्वजनिक गर्ने 

१४ कार्तिक, काठमाडौं । आज तीन वटा पार्टीले आफ्नो चुनावी घोषणापत्र सार्वजनिक गर्न लागेका छन् । आगामी मंसिर ४ गते हुने प्रदेश तथा प्रतिनिधिसभा निर्वाचनका लागि नेकपा माओवादी केन्द्रसहित नेकपा एकीकृत समाजवादी र राष्ट्रिय प्रजातन्त्र पार्टीले सोमबार एकैदिन घोषणापत्र सार्वजनिक गर्न लागेका हुन् ।

माओवादी केन्द्रले सोमबार दिउँसो ३ बजे पार्टी केन्द्रीय कार्यालय पेरिसडाँडामा घोषणापत्र सार्वजनिक गर्ने कार्यक्रम तय भएको जनाएको छ । यस्तै नेकपा एकीकृत समाजवादी पार्टी कार्यालय मीनभवनमा दिउँसो १ बजे घोषणापत्र सार्वजनिक गर्ने समय तय गरेको छ भने राप्रपाले थापागाउँस्थित बानेश्वर बैंक्वेटमा कार्यक्रम राखेर साढे ११ बजे घोषणापत्र सार्वजनिक गर्दैछ ।

यसअघि कांग्रेस, नेमकिपासहितका केही दलले चुनावी घोषणापत्र सार्वजनिक गरिसकेका छन् । प्रमुख प्रतिपक्षी दल नेकपा एमालेले भने घोषणापत्र सार्वजनिक गर्न बाँकी छ ।