ग्राम निर्माण बन्धु मण्डल क्लबले भाई टिकाको दिन सांस्कृतिक कार्यक्रम गर्ने 

२ कार्तिक, काठमाडौं । आरुबारीमा रहेको ग्राम निर्माण बन्धु मण्डल क्लबले भाई टिकाको दिन सांस्कृतिक कार्यक्रम गर्ने भएको छ । क्लबले स्थानीय स्तरमा रहेका प्रतिभाहरुलाई प्रस्फुटन गर्ने उदेश्यका साथ दिपावलीको अवसरमा गर्दै आएको कार्यक्रम यस वर्ष भाईटिकाको दिन गर्न लागेको हो ।

कार्यक्रम कार्तिक १० गते बिहिबार भाइटीकाको दिनमा आरुबारी चोकमा क्लबको प्रांगणमा हुनेछ । कार्यक्रम अपरान्ह ३ः३० देखि ७ः०० बजे सम्म हुने आयोजकले बताएका छन् । सांस्कृतिक कार्यक्रममा सहभागी हुन चाहनेले आफ्नो प्रस्तुति सहितको व्यहोरा क्लबमा जानकारी गराउन समेत आग्रह गरेको छ ।