भेनस कलेजमा चर्चित कलाकारको उपस्थितीमा अभिमुखीकरण तथा क्यारियर काउन्सिलिङ

३१ साउन, काठमाडौं । गोकर्णेश्वर नगरपालिका वडा नं ८ बेसिगाउँमा रहेको भेनस नेसनल कलेजमा अभिमुखीकरण तथा क्यारियर काउन्सिलिङ प्रोग्राम २०७९ सम्पन्न भएको छ ।

सोमबार भेनस कलेजको हलमा आयोजित कार्यक्रममा कक्षा ११ मा नया भर्ना भएका बिद्यार्थीहरुलाई अभिमुखीकरण तथा क्यारियर काउन्सिलिङ कार्यक्रम गरेको हो ।

कलेजका संस्थापक अध्यक्ष पेमा छिरी शेर्पाको अध्यक्षतामा भएको कार्यक्रममा नेपालका चर्चित कलाकार पुष्प खड्का, चर्चित गायक एवम् भेनस नेसनल कलेजका ब्रान्ड एम्बेसडर थानेश्वर गौतमको विशेष आतिथ्यता रहेको थियो ।

कार्यक्रममा नेपालका चर्चित कलाकार पुष्प खड्काले आफ्ना जीवन संघर्षका अनुभव बाँड्दै शिक्षाको महत्वको विषयमा आफ्नो प्रस्तुती राखेका थिए । यसैगरी अर्का चर्चित गायक एवम् भेनस नेसनल कलेजका ब्रान्ड एम्बेसडर थानेश्वर गौतमले कार्यक्रममा सांगीतिक प्रस्तुति मार्फत दिएका थिए ।

कार्यक्रममा कलेजका अध्यक्ष पेमा छिरी शेर्पाले उपस्थित सबैलाई धन्यबाद दिदै भेनसले गुणस्तरीय शिक्षा दिई विद्यार्थीको वृद्धि विकासलाई ध्यान दिएर शैक्षिक सेवा दिने बताए ।

भेनस नेसनल कलेज प्रमुख कृष्ण गौतमले नया भर्ना भएका विद्यार्थीहरुलाई स्वागत गर्दै भेनस नेसनल कलेजले गुणस्तरीय शिक्षा दिई दक्ष जनशक्ति उत्पादनलाई प्राथमिकता दिएको बताए ।

कार्यक्रममा भेनस नेसनल कलेजका प्रिन्सिपल नेत्र प्रसाद दाहालले स्वागत मन्तब्य राखेका थिए भनें एन प्याब्सन गोकर्णेश्वर नगर अध्यक्ष एवम् कलेजका डायरेक्टर मोहन अधिकारीले शुभकामना मन्तव्य राखेका थिए ।