नयाँ बानेश्वरमा सुरक्षाकर्मीको बाक्लो उपस्थिति

१२ फागुन, काठमाडौं । आज दिउँसो १ बजे प्रतिनिधि सभाको बैठक बस्दैछ । आजको बैठकमा एमसीसी परियोजनामाथिको छलफल प्रारम्भ हुने कार्यसूची रहेको छ ।

सदनमा एमसीसीको बहस सुरु भइरहँदा सडकमा भने त्यसको विरोधमा प्रदर्शनहरू जारी रहेका छन् । गत फागुन ८ गते बसेको प्रतिनिधि सभा बैठकका दौरान संसद् भवन रहेको नयाँ बानेश्वर क्षेत्रमा उग्र प्रदर्शन भएको थियो ।

८ गते प्रदर्शनकारी विरुद्ध प्रहरीले रबरको गोली नै चलाउन परेको थियो । सो क्रममा दर्जनौँ प्रहरी तथा आन्दोलनकारी घाइते भएका थिए । आज पनि ८ गतेको जस्तै प्रकृतिको प्रदर्शन र झडप हुने आशंकाका साथ नयाँ बानेश्वर क्षेत्रमा ठूलो सङ्ख्यामा सुरक्षाकर्मीहरू परिचालन गरिएका छन् ।