२४ घण्टामा ५७० कोरोना संक्रमित थपिए, ६ जनाको मृत्यु

५ फागुन, काठमाडौं । नेपालमा थप ५७० जनामा कोरोना संक्रमण पुष्टि भएको छ । देशभर गरिएको ७ हजार २८ पीसीआर परीक्षणका क्रममा ३६४ जना र २ हजार ७६१ एन्टिजेन परीक्षणका क्रममा २०६ जनामा कोरोना पुष्टि भएको स्वास्थ्य मन्त्रालयले जनाएको छ ।

त्यस्तै कोरोनाका कारण थप ६ जनाको मृत्यु भएको छ । हालसम्म नेपालमा कोरोनाका कारण ११ हजार ९११ जनाको मृत्यु भएको छ ।

त्यस्तै थप १ हजार ९९३ संक्रमित निको हुँदा हालसम्म नेपालमा ९ लाख ४६ हजार ३३० जना निको भएका छन् ।

हाल नेपालमा १६ हजार ६१६ सक्रिय संक्रमित आइसोलेसन र १०९ जना क्वारेन्टाइनमा रहेको मन्त्रालयले जनाएको छ ।