काठमाडौं उपत्यकाबाट २३ जना बन्दकर्ता पक्राउ

४ फागुन, काठमाडौं । काठमाडौं उपत्यकाबाट प्रहरीले एमसिसिको बिरोधमा बन्द गराउन निस्केका २३ जना बन्दकर्तालाई पक्राउ गरेको छ ।
२ महिला सहित २३ जनालाई पक्राउ गरिएको महानगरीय प्रहरी कार्यालयले बताएको छ । पक्राउ पर्नेमा कोटेश्वर चोकमा पेट्रोल छर्केर ट्याक्सी जलाउन खोज्ने बन्दकर्ता लगायतका हुन् ।

मोहन बैद्य नेतृत्वको नेकपा क्रान्तिकार माओवादी, विप्लव नेतृत्वको नेपाल कम्युनिष्ट पार्टी, ऋषि कट्टेल नेतृत्वको नेकपा, आहुती नेतृत्वको वैज्ञानिक समाजवादी पार्टी र कर्णजित बुढाथोकी नेतृत्वकोको नेकपा माओवादी केन्द्र समाजवादी तथा सिपी गजुरेल नेतृत्वको देशभक्त गणतान्त्रीक मोर्चाले नेपाल बन्दको आह्वान गरेका हुन् ।