कांग्रेस केन्द्रीय सदस्यका उम्मेदवार गणेश लामा देउवा प्यानलमा अटाए

मंसिर २७, काठमाडौं । नेपाली काँग्रेसको १४औँ महाधिवेशनमा नयाँ नेतृत्व चयनका लागि आज बिहान ८ बजेबाट बाट मतदान सुरु हुँदैछ । वर्तमान सभापति शेरबहादुर देउवाको समूहको लिस्ट सार्वजनिक भएको छ ।

आन्तरिक चुनावका लागि नेताहरू विभिन्न समूह बनाएर प्रतिस्पर्धामा उत्रिएका छन् । वर्तमान सभापति शेरबहादुर देउवाको समूहको लिस्ट सार्वजनिक भएको छ । जसमा सभापतिमा देउवा उपसभापतिमा विजय कुमार गच्छदार, पूर्ण बहादुर खड्का महामन्त्रीमा डा. प्रकाश सरण महत, प्रदीप पौडेल रहेका छन् ।

केन्द्रीय सदस्य खुल्लामा ३५ जनाको कोटामा गणेश लामा लगायत रहेका छन् । लामाको नाम खुल्ला सदस्यको देउवा लिस्टमा २८ औँ नम्बरमा छ ।

कुल १३४ पदका लागि मनोनयन दर्ता भएकोमा प्रदेश २ खुला केन्द्रीय सदस्य पदमा २ जना निर्विरोध भईसकेकोले आज १३२ पदका लागि मतदान हुनेछ ।