सकियो एमालेको १० औं महाविधेशनबाट निर्वाचित केन्द्रीय कमिटीको पहिलो बैठक ( फोटो फिचर)

चितवन । नेकपा एमालेको १० औं महाधिवेशनबाट निर्वाचित केन्द्रीय कमिटीको पहिलो बैठक बसेर सकिएको छ ।

सपथग्रहणपछि बैठक चिवतनको सौराहामा बसेको हो । बैठकले निर्णय भने केही पनि गरेन् । बैठकलाई केपी शर्मा अ‍ोलीले सम्बोधन गरेका छन् ।

सम्बोधनका क्रममा अध्यक्ष ओलीले निर्वाचनको तयारीका लागि तीन महिना मात्रै बाँकी रहेकाले सोही अनुसार काम गर्न निर्देशन दिए ।

अन्तरविरोध पार्टीका लागि कति खरतनाक हुन्छ भन्ने कुरा थाहा पाइसकेपछि जिम्मेवारीबाट थिचिएर अगाडी बढ्नुपर्ने उनले उनले भने, ‘आपसको अन्तरविरोध कति खतरनाक हुन्छ, भन्ने हामी थाहा पाएका छौँ । साथीको बात सहन सकिएन भने शत्रुको लात खान सकिन्छ । हामीमा उन्माद चढ्नु हुँदैन । जिम्मेवारीबाट थिचिएर अघि बढ्नु पर्छ।’

केन्द्रीय कमिटीको अर्को बैठक मंसिर २५ र २६ गते बस्ने पनि उनले जानकारी दिए । सोही बैठकबाट पोलिट ब्यूरो, स्थायी कमिटी निर्माण र जिल्ला तथा प्रदेश कमिटी अधिवेशन कार्यतालिका बन्ने उनले बताए ।

ओलीले अब १० प्रतिशत केन्द्रीय कमिटी सदस्य नियुक्त हुने पनि बताए ।

यस्तै बागमती प्रदेश कमिटीले नवनिर्वाचित केन्द्रस्यहरुलाई २४ गते स्वागत गर्ने भएको छ ।