हम्मर प्रहारबाट सानेपामा एक जनाको हत्या

काठमाडौँ । ललितपुरमा एक भारतीय नागरिकको हत्या भएको छ। सानेपामा हम्मर प्रहारबाट भारत राजस्थानका सत्यनारायण पारिकको हत्या भएको हो।

घरभित्र नै उनको हत्या भएको देखिएको प्रहरीले बताएको छ। प्रहरीले अनुसन्धानका लागि सीसी क्यामेराको भिडिओ पनि विश्लेषण गरिरहेको छ।

उनको शव पोष्टमार्टमका लागि त्रिवि शिक्षण अस्पताल, महाराजगञ्ज पठाइएको छ।

पारिक २० वर्षदेखि नेपालमा बसेका थिए।