उनले भनेका छन् ‘बेलायतको पछिल्लो कदमबाट कोरोना भाइरस बिरुद्ध लड्न सकिने आशा जगाएको छ । किनकि यसबाट विश्वमा १५ लाख मानिसको निधन भइसकेको छ भने यसले विश्व अर्थतन्त्रलाई समेत ठूलो क्षति पुर्याएको छ । अब भने विश्वका अरबौं मानिसको दैनिकी र जनजीवनमा सुधार आउनसक्ने सम्भावनालाई बढाएको छ ।’
फाइजर–बायोएनटेकको कोरोना बिरुद्धको खोप ९५ प्रतिशत प्रभावकारी रहेको भनेर फाइजरले अन्तिम चरणको क्लिनिकल परीक्षणबाट पहिलो डाटा प्रकाशित गरेको २३ दिनपछि नै प्रयोगको लागि स्वीकृति पाएको हो ।
बेलायतले फाइजरको बेल्जियमस्थित कारखानाबाट आठ लाख डोज खोप प्राप्त गरेपछि सम्भवतः अर्को हप्ताको शुरुदेखि कमजोर स्वास्थ्यका कारण अन्तिम अवस्थामा पुगेकाहरूलाई लगाउन शुरु गर्ने बताएको छ । बेलायती प्रधानमन्त्रीले संसदमा सम्बोधन गर्दै भनेका छन् ‘यो नबुझौं कि अहिले नै यो खोप अन्य खोपझैँ सबै बेलायतीको लागि हो ।’
