अहिले देशको कुल कोरोना संक्रमितमध्ये आधाभन्द बढी काठमाडौं उपत्यकामा देखिनथालेका छन् । उपत्यकाका अस्पतालहरु कोरोना संक्रमितले भरिन थालेका छन् । आइसियू र भेन्टिलेटर भरिएका छन् । कतिपय जोखिममा परेका संक्रमित आइसियू र भेन्टिलेटर नपाएर अस्पताल बाहिर रोकिएर मृत्युवरण गर्न पुगेका घटनाहरु छन् ।
चीसो बढेसँगै निमोनियाको खतरा देखिएको छ । कोभिड १९ को जोखिम झन् बढेपछि उपत्यकामा त्रास बढेको छ । यूरोपमा चीसो बढेपछि कोरोना भाइरसको संक्रमण फैलिएको छ । त्यहाँ अस्पतालहरु भरिन थालेका छन् । उपत्यकामा पनि त्यस्तै अवस्था आउन नदिन मेयर्स फोरमले ध्यानाकर्षण गराएको छ ।
