बागमती प्रदेशमा १,२४८ जना स्वास्थ्यकर्मी संक्रमित: कुन जिल्लामा कति ?

बागमती प्रदेशमा कोरोना संक्रमण हुने स्वास्थ्यकर्मीहरुको सख्या १ हजार २ सय ४८ जना रहेको छ ।

यो सख्या बागमती प्रदेशमा रहेको जम्मा स्वास्थ्यकर्मीहरु संख्याको एक तिहाइ भन्दा बढी हो ।

बागमती प्रदेशमा अहिले ३ हजार ४ सय ६ जना स्वास्यकर्मी कार्यरत रहेका छन् ।

प्रदेशको सबै भन्दा बढी संक्रमण काठमाडौं उपत्यकामा देखिएको छ ।

काठमाडौंमा मात्र ८ सय ६२ जना कोरोना संक्रमित भएका छन् ।

त्यस्तै ललितपुरमा १ सय १५ र भक्तपुरमा ७१ जना संक्रमित भएका छन् ।

त्यस्तै काठमाडौं पछि बढी संक्रमित हुने जिल्ला चितवन रहेको छ ।

चितवनमा अहिले सम्म १ सय ३३ जना कोरोना संक्रमित भएका छन् । त्यस्तै काभ्रेमा ४२ जना संक्रमित भएका छन् ।

सिन्धुपाल्चोकमा अहिलेसम्म कुनै पनि स्वास्थ्यकर्मी संक्रमित भएका छैनन् ।

धदिङमा ५ जना संक्रमित भएका छन् । रसुवामा १ जना, रामेछापमा २ जना र सिन्धुलीमा ४ जना संक्रमित भएका छन् ।

त्यस्तै नुवाकोटमा ३ जना, मकवानपु्रमा ७ जना र दोलखामा ३ जना संक्रमण भएका छन् ।