नेपालमा विहीबार थप ७०७ जनामा कोरोना संक्रमण पुष्टि, संक्रमितको संख्या २९ हजार ६४५ पुग्यो

काठमाडौं । कोरोना भाइरस संक्रमितको संख्या २९ हजार नाघेको छ । पछिल्लो २४ घन्टामा विभिन्न जिल्लामा ७ सय ७ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ ।

मन्त्रालयका प्रवक्ता डा.जागेश्वर गौतमले विभिन्न जिल्लामा थपिएका ७ सय ७ जनासहित देशभर संक्रमितको संख्या २९ हजार ६ सय ४५ पुगेको बताए ।

संक्रमितमध्ये १७ हजार ९ सय ६४ जना निको भएर घर फर्किएका छन् भने १ सय २६ जनाको ज्यान गएको मन्त्रालयले जनाएको छ ।