गोकर्णेश्वर नगरपालिकाका स्वयं सेवकहरुलाई मास्क सहयोग

गोकर्णेश्वर नगरपालिकाका स्वयं सेवकहरुलाई मास्क  हस्तान्तरण गरिएको छ ।

गोकर्णेश्वर नगरपालिका का स्वयंसेवक समितिका संयोजक दीपक लामालाइ  र गोकर्णेश्वर नगरपालिकाका प्रमुख सल्लाहकार दीपक रिसालले  ८०० जना स्वयंसेवकहरुको लागि KN95 मास्क  हस्तान्तरण गरेका हुन् ।

बौद्ध ६ चारघरेका समाजसेवी सुरेन्द्र लामा (सुजन) र गोकर्णेश्वर नगरपालिका ८ का समाजसेवी  एवं नेपाल आदिवासी जनजाती संघका इकाइ सभापति फुर्साङ लामा तामाङको सहयोगमा प्राप्त  मास्क हस्तान्तरण गरिएको हो ।

कार्यक्रममा बोल्दै गोकर्णेश्वर नगरपालिका प्रमुख सल्लाहकार दिपक रिसालले   बिश्व भरी महामारी को रूपमा फैलिएको कोरोना भाइरस अर्थात कोभिड – १९ ले मानव जगत नै अनिश्चित र अन्योल बनिरहेको बेलामाफ्रन्ट लाइन मा खटिएर स्वयं सेवा गरिरहेका स्वयं सेवकहरुलाइ प्रोत्साहन गर्न र कोरोना जोखिम बाट बच्न उक्त सामाग्री प्रदान गरिएको बताए ।

उनले मास्क वितरण संगै  जनचेतना जगाउने खालका कार्यक्रम गर्न पनि स्वयं सेवकहरुलाई अनुरोध गरेका थिए । सो कार्यक्रम समाजसेवी शम्भु प्रसाद अधिकारीले संचालन गरेका  थिए ।