गोकर्णेश्वरको मकालबारीमा मोटरसाइकल दुर्घटना हुँदा एक जना गम्भीर घाइते

काठमाडौँ-  गोकर्णेश्वर नगरपालिका वडा नं ४ स्थित मकालबारीमा आज दिउसो ४ बजे मोटरसाइकल दुर्घटना हुँदा एक जना गम्भीर घाइते भएको छ।

गोकर्णबाट जोरपाटी जादै गरेको बा ७७ पा १९०९  नम्बरको  मोटरसाइकललाई  सोही दिशातर्फ आउँदै गरेको बा ५३ प ५१२६ नम्बरको मोटरसाइकल अनियन्त्रित भई ठक्कर दिँदा गम्भीर घाइते हुने गोकर्णेश्वर नगरपालिका वडा नं ५ जोरपाटीमा बस्ने ४५ वर्षका गोकर्णेश्वर नगरपालिकाका सवारी चालक राजाराम अर्यालको खुट्टामा गम्भीर चोट लागेको हुँदा उनलाई उपचारको लागि त्रिवी शिक्षण अस्पताल लगिएको माकलबारी  महानगरीय प्रहरी बिटका कार्यलय प्रमुख प्रहरी साहयक निरीक्षक लोकेन्द्र गिरिले जानकारी दिनु भएको हो।

गोकर्णेश्वर नगरपालिका वडा नं ८ का बा ५३ प ५१२६ नम्बरको मोटरसाइकल चालक २० वर्षका रबिन राई लाई प्रहरीले नियन्त्रणमा लिएको छ ।  निज माथि थप अनुसन्धानको लागि महानगरीय प्रहरी वृत्त बौद्ध पठाइएको प्रहरी सहायक निरीक्षक  लोकेन्द्र गिरीले बताए ।