आज: २२ चैत्र २०८१, शनिबार | Sat, 05, Apr, 2025

गोकर्णेेेेेेेश्वर ८ मा नेपाल सक्रिय तथा सृजनशिल युवा समुहले गर्‍यो सरसफाइ कार्यक्रम

गोकर्णेश्वर खबर११ श्रावण २०७७, आईतवार ०८:४० मा प्रकाशित (४ साल अघि) १०५१ पाठक संख्या

काठमाडौँ, साउन ११ । गोकर्णेश्वर नगरपालिका वडा नं ८ मा रहेको  सामाजिक सस्था नेपाल सक्रिय तथा सृजनशिल युवा समुहको आयोजनामा शनिबार डाँडागाउ क्षेत्र चामुण्डा आरुबारी मूल सडक  सरसफाई गरेको छ ।

उक्त कार्यक्रममा प्रमुख अतिथिको रुपमा   गोकर्णेश्वर नगरपालिकाका प्रवक्ता एबम वडा नं  ८ का वडा अध्यक्ष मनोज कुमार ढुंगाना रहेका थिए भने बिशेष अतितिको रुपमा नगरपालिकाका प्रमुख सल्लाहकार दिपक रिसाल, डांडागाउ टोल सुधार समितिका अध्यक्ष राजेश दाहाल लगायत आयोजक संस्थाका पदाधिकारी सहित स्थानीयको सहभागितामा सो क्षेत्रका बिभीन्न स्थानमा सरसफाई गरिएको थियो ।उनीहरुले  बाटोमा जथाभावी फ्याकिएका प्लास्टिक तथा सिसाजन्य फोहोर संकलन गरि सरसफाई  गरिएको थियो ।

कार्यक्रममा बोल्दै वडा अध्यक्ष मनोज कुमार ढुंगानाले उक्त कार्यको प्रसंशा गर्दै  युवाहरु नै जागरुक भई  सामाजिक कार्यमा लाग्न  समेत अनुरोध गरेका थिए।कार्यक्रममा बोल्दै नगरपालिकाक सल्लाहकार दिपक रिसालले आयोजकलाइ धन्यबाद दिदै सरसफाई कार्यक्रमलाइ निरन्तरता दिन अनुरोध गरेका थिए । उनले सफाई गर्दा समाजमा यसको सकारात्मक संदेश जाने र फोहोर गर्नु हुन्न भन्ने चेतनाको विकास हुने बताए।