लकडाउन खुलेसँगै कोरोनाको चुनौती बढ्यो

काठमाडौं । कोरोना भाइरस (कोभिड–१९) नियन्त्रण गर्न सरकारले चैत ११ देखिको बन्दाबन्दी गएको बुधबारबाट अन्त्य गरेपछि सङ्क्रमणको चुनौती बढेको बताउन थालिएको छ ।

उनले घरबाट अत्यावश्यक काम बाहेक बाहिर ननिस्कने, मास्कको नियमित प्रयोग गर्ने, साबुन पानीले नियमित हात हुने र मानिससँंग बस्दा तथा गफगाफ गर्दा दूरी कायम गर्न सके कोरोना सर्ने सम्भावना नरहने दाबी गरे । पछिल्लो समय देखिएको सङ्क्रमणमा बढी हेलचेक्र्याइँ देखिएको छ, त्यसैले डा गौतमले लकडाउन खुल्यो भन्दैमा मानिस दिनमा १० पटक घरबाट निस्कने, रेस्टुरेन्टमा गएर रमाइलो गर्ने, जमघट गर्ने गरेकै कारण पछिल्ला दिनमा सङ्क्रमितको सङ्ख्या बढ्ने खतरा छ भने ।

उनले घरको एक सदस्य बाहिर गएर घरमा कोरोना ल्याउने र ऊसँग कोरोना जित्न सक्ने क्षमता हुुन सक्छ तर उसैले हजुरबाबा, हजुरआमालाई रोग सार्दछ, त्यो अझ बढी खतरा हुन्छ भने ।

जनस्वास्थ्यविद् तथा इपिडिमियोलोजी तथा रोग नियन्त्रण महाशाखाका पूर्वनिर्देशक डा बाबुराम मरासिनी बन्दाबन्दी खुलेसंँगै कोरोनाको जोखिम बढेको भन्दै सचेत रहन सुुझाव दिन्छन् । उनले तराईका वीरगञ्ज, राजविराज लगायतका स्थानमा समुदायमा सङ्क्रमण फैलिएर निषेधाज्ञा जारी गर्नुपरेको भन्दै काठमाडौंमा पनि त्यही अवस्था आउन सक्नेतर्फ सचेत गराए । उक्त समाचार आजको गोरखापत्रमा छापिएको छ ।