आर्सनल एफ ए कप फुटबलको फाईनलमा

एजेन्सी । म्यान्चेष्टर सिटीलाई हराउँदै आर्सनल एफ ए कप फुटबलको फाईनलमा प्रवेश गरेको छ ।

गएराति भएको सेमिफाईनल खेलमा आर्सनलले सिटीलाई दुई शुन्य गोल अन्तरले हराएको हो ।

लण्डन क्लब आर्सनलको जितमा पियरिक ईम्रिक अबुमियाङले दुई गोल गरेका थिए ।

घरेलु मैदानमा निकोलास पेपेको क्रसलाई उपयोग गर्दै खेलको १९औं मिनेटमा अबुमियाङले पहिलो गोल गरी आर्सनललाई अग्रता दिलाएका थिए ।

बल पोजिसनमा सिटीले दवाब बनाएपनि अबुमियाङले खेलको ७१औं मिनेटमा पुनः दोस्रो गोल गर्दै आर्सनलको जित सुनिश्चित बनाएका थिए ।

आर्सनलले अब अगष्ट १ मा चेल्सी र म्यान्चेष्टर युनाईटेडबीचको विजेतासंग उपाधिका लागि प्रतिस्पर्धा गर्नेछ ।