ला लिगाः रियल बेटिसले इस्पान्योललाई हरायो

एजेन्सी । स्पेनिस फुटबल लिग ला लिगामा रियल बेटिसले जित निकालेको छ । शुक्रबार राति आफ्नो होममा बेटिसले इस्पान्योललाई १-० गोलले पराजित गरेको हो ।

रियल बेटिसको जितमा एकमात्र निर्णायक गोल खेलको ४८ औं मिनेटमा मार्क बार्टराले गरे ।

जितसँगै रियल बेटिसले ३१ खेलबाट ३७ अंक जोड्दा तालिकाको १३ औं स्थानमा छ भने समान खेल खेलेको इस्पान्योल २४ अंकसहित तालिकाको पुछारमा छ ।