नेपालको काउन्सिल चेयरपर्सनमा गोकर्णेश्वर २ निवासी लायन रमेशकुमार लामा निर्वाचित

यसको वार्षिक अधिवेशन भने २५ मे २०२४ अर्थात जेष्ठ १२ गते शनिवारका दिन प्रज्ञा भवन कमलादीमा सम्पन्न भएको छ । लायन रमेशकुमार लामाको गभर्नर पदको कार्यकाल ३० जुनका दिन समापन हुँदैछ भने लगतै जुलाई १ देखि काउन्सिल चेयरपर्सनको पदावधि शुरु हुँदैछ ।

लायन्स क्लब अफ काठमाडौं राइजिङ्ग सन मार्फत सन २००५ देखि लायन्स क्लबको सदस्य बन्नु भएको लामा ज्यु २००८/०९ मा उक्त क्लबको अध्यक्ष बन्नु भइ उत्कृष्ट कार्यहरु समेत गर्दै डिष्टृक्टको विभिन्न जिम्मेवारी पूरा गर्दै २०२३ मा वर्ष २०२३-२०२४ का लागि गभर्नर पदमा निर्वाचित हुनु भएको थियो ।

लायन लामा एक सक्रिय मानव सेवी को रुपमा समाजमा चिनिनु हुन्छ । यस वर्ष उहाँको नेतृत्वमा दोलखा जिल्लाको गौरीशंकर गाउँ पालिकामा गत श्रावण महिनामा गएको पहिरो प्रभावित ६३ घर परिवारका लागि लायन्स अन्तर्राष्ट्रियबाट १५ लाख रुपैयाँ बराबरको अत्यावश्यक राहत सामाग्री वितरण गर्नु भएको थियो भने काठमाडौंको चुच्चेपाटीमा अवस्थित स्तुपा सामुदायिक अस्पतालमा नि:शुल्क किड्नी डायलाइसिस सेवा उपलब्ध गराउने हेतुले १ लाख डलरको परियोजना स्वीकृत भइ स्थापनाको प्रक्रियामा गएको छ।

त्यस्तै गरि समुदायको आवश्यकता अनुसार डिष्ट्रीक्टका क्लबहरूद्वारा १५ सय भन्दा बढी सेवाका कार्यहरु मार्फत करिव ४ लाख सहयोगापेक्षी व्यक्तिहरुलाई सेवा पुर्याइ सकिएको छ । सन १९१७ मा अमेरिकामा स्थापना भएको लायन्स क्लब, नेपालमा भने १९७१ मा विधिवत स्थापना भइ सन २०२२ जुलाई १ देखि सिङ्गो नेपाललाई १५ वटा प्रशासनिक डिष्ट्रीक्ट (जिल्ला)मा विभाजन गरिएको छ। प्रत्येक डिष्ट्रीक्टको प्रमुखको रुपमा डिष्ट्रीक्ट गभर्नर रहने व्यवस्था रहेको छ । हालको दिन सम्म नेपालमा करिब ४५ हजार जना भन्दा बढी सदस्यहरु रहेका छन । “हामी सेवा गर्छौं” भन्ने मूल उद्देश्य बोकेको लायन्स क्लबले विभिन्न परियोजनाहरु मार्फत नेपालमा मानवीय सेवाको क्षेत्रमा थुप्रै कार्यहरु गर्दै आइरहेको छ । यस वर्ष मात्रै १५ वटा ठूला र १२ वटा साना परियोजनाहरु मार्फत करिब २७ लाख डलर भन्दा बढी रकम नेपालमा स्वीकृत भइ सम्पन्न हुने चरणमा छन भने भुकम्प, बाढी पहिरो, आगलागी अनि महामारीको बेलामा नेपालका कुना काप्चाहरुमा लायन्स क्लबका स्वयंसेवी सदस्यहरु मानवीय सेवाका कार्यमा सदा अग्रपंक्तिमा रहेको देखिन्छ ।