देशभर ४६ प्रतिशत मतदान सम्पन्न

४ मंसिर, काठमाडौं । देशभर ४६ प्रतिशत मतदान सम्पन्न भएको छ । आइतबार दिउँसो काठमाडौं उपत्यकाका (काठमाडौं, भक्तपुर, ललितपुर) का विभिन्न मतदान स्थलको अवलोकन गर्दै देशभर ४६ प्रतिशतसम्म मतदान सम्पन्न भएको जानकारी पाएको गृहसचिव विनोदप्रकाश सिंहले बताएका छन् ।

अहिलेसम्म शान्तिपूर्ण र व्यवस्थित रुपमा मतदान भइरहेको छ । गृहसचिवले मतदान कार्य रोकिएका ठाउँमा पनि मतदान पुनः सुरु गराउन पहल गरिरहेको र कतिपय स्थानमा पुनः सुचारु भइसकेको जानकारी दिएका छन् ।

अहिले मतपेटिका ढुवानीका लागि आवश्यकता अनुसारका सवारीसाधन तैनाथ राखिएको छ ।