भोजपुरमा सत्ता गठबन्धनको चुनावी सभालाई लक्षित गरी बम विस्फोट 

३० कार्तिक, काठमाडौं । भोजपुरको पौवादुङमा गाउँपालिका–२ को तिवारी भन्ज्याङमा बम विस्फोट भएको छ। सत्ता गठबन्धनको चुनावी सभालाई लक्षित गरी बम विस्फोट भएको हो।

उक्त कार्यक्रममा नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’सहितका शीर्ष नेता सहभागी हुने कार्यक्रम छ।

जिल्ला प्रशासन कार्यालय, भोजपुरका प्रमुख जिल्ला अधिकारी हरिप्रसाद घिमिरेका अनुसार गठबन्धनको आमसभा स्थलभन्दा करिब ४० मिटर टाढा सडक छेउमा टिफिनमा राखिएको थियो । यद्यपि, सभास्थलमा शीर्ष नेताहरू आइआईसकेका छन् ।

घिमिरेका अनुसार नेत्रविक्रम चन्द ‘विप्लव’ नेतृत्वको नेकपा सदस्य सुमन श्रेष्ठले रातो झोलामा टिफिनभित्र मोबाइलमा फिट गरेको बम विस्फोट भएको हो।

विस्फोटमा संलग्न भएको भन्दै विप्लव सदस्य श्रेष्ठ अहिले प्रहरी नियन्त्रणमा रहेका छन् । उक्त स्थान केही पर नेकपा ९एमाले०को पनि चुनावी सभाको आयोजना गरिएको छ।