आज तराई–मधेस क्षेत्रमा होली पर्व मनाईंदै

४ चैत, काठमाडौं । तराई–मधेस क्षेत्रमा आज होली पर्व मनाईंदैछ । हिजो पहाडी जिल्लाहरुमा होली अर्थात फागु पर्व मनाइएको थियो ।

सामुहिक रुपमा विभिन्न रङ खेली होली अर्थात फागु पर्व मनाउने चलन छ । होली पर्व आपसी सद्भाव, भातृत्व र आत्मीयताको प्रतिक मानिन्छ ।

होलीका अवसरमा विभिन्न सांगीतिक तथा साँस्कृतिक कार्यक्रमहरु गरेर समेत खुसी साटासाट गर्ने गरिन्छ । तराई–मधेस क्षेत्रमा मनाईने होली भव्य र हर्सोल्लाहपूर्ण हुने गरेको छ । तराई–मधेसमा विशेष गरी नाचगान सहित रंग दलेर धुमधामका साथ होली मनाइन्छ ।