नयाँ बसपार्कमा महिलामाथि सामूहिक बलात्कार, ७ आरोपि पक्राउ

१४ पुष, काठमाडौँं । काठमाडौंको नयाँ बसपार्कमा एक महिलामाथि सामूहिक बलात्कार भएको छ । पटक–पटक गरी विभिन्न समयमा ती महिलामाथि बलात्कार गरेको आरोपमा प्रहरीले ७ जना आरोपिलाई पक्राउ गरेको छ ।

मंगलबार पीडित महिलाका आफन्तले महानगरीय प्रहरी परिसर काठमाडौंमा उजुरी दिएपछि सीसीटीभी फुटेजको आधारमा घटनामा संलग्‍नहरुलाई मंगलबार राति नै नियन्त्रणमा लिइएको प्रहरीले जनाएको छ । प्रहरीले आरोपिहरुलाई बसपार्कका विभिन्न स्थानबाट पक्राउ गरेको हो ।

घटनामा संलग्‍न अन्य दुई जना फरार रहेको र उनीहरुको खोजी भइरहेको प्रहरीले जनाएको छ । पीडित महिलाको उमेर करिब ३२ वर्ष रहेको र हाल उनको स्वास्थ्य अवस्था सामान्य रहेको गिरीले बताए ।