कांग्रेस केन्द्रीय सदस्यको मतगणना शुरु

२ पुष, काठमाडौं । नेपाली कांग्रेसको १४ औं महाधिवेशन अन्तर्गत केन्द्रीय सदस्यहरुको मतगणना शुरु भएको छ । आज समय अभाव रहेकोले थोरैमात्र उम्मेदवार रहेको प्रदेश २ को महिलातर्फको मतगणना भइरहेको छ ।

प्रदेश २ को खुलातर्फ आनन्दप्रसाद ढुङ्गाना र रमेश रिजाल निर्विरोध भइसकेका छन् । महिलातर्फ एक जनाको सिटका लागि दुई जनामात्र उम्मेदवार छन् । चित्रलेखा यादव र गीता चौधरीको मतगणना शुरु भएको हो ।

यसपछि आजै अल्पसंख्यकको मतगणना गर्नका लागि उम्मेदवारसँगै प्रतिनिधिहरुलाई बोलाइएको छ । अल्पसंख्यकतर्फ एक सिटका लागि पाँच जना मैदानमा रहेका छन् । जसमा ओमप्रकाश शर्मा (मारवाडी), टीकाराम सुब्बा लेप्चा, प्रदीपकुमार सुनुवार, प्रेमबहादुर छन्त्याल र हरिबहादुर घले हुन् ।