Breaking News: कांग्रेस सभापतिमा पूनः देउवा निर्वाचित

२९ मंसिर, काठमाडौं । नेपाली कांग्रेसको सभापतिमा पूनः शेरबहादुर देउवा निर्वाचित भएका छन् । मंगलबार भएको दोस्रो चरणको मतदानमा डा.शेखर कोइरालालाई पराजित गर्दै देउवा दोस्रो कार्यकालका लागि सभापति चुनिएका हुन् ।

बुधबार राति २ बजेसम्म ३८१९ मतगणना हुँदा देउवाले २२८८ मत र शेखरले १५०१ मत ल्याएका छन् । सोमबार भएको पहिलो चरणको चुनावमा कांग्रेसको विधान अनुसार कुनै पनि उम्मेदवारको ५० प्रतिसत भन्दा बढी मत नआए पछि मंगलबार भएको दोश्रो चरणको चुनावको सबै मत गनि सक्नु अघि नै देउवाले सभापतिमा निर्वाचित हुन आवश्यक मत पाईसकेका छन् ।

२०७२ मा भएको १३औं महाधिवेशनमा पनि देउवा दोस्रो चरणको मतदानबाटै सभापति चुनिएका थिए ।