दोस्रो राउण्डमा प्रकाशमानले देउवालाई सहयोग गर्ने

काठमाडौं । प्रकाशमान सिंहले दोस्रो चरणको चुनावमा शेरबहादुर देउवालाई सघाउने भएका छन् । पहिलो चरणमा काँग्रेस सभापतिमा कसैको पनि ५० प्रतिशत मत नल्याएपछि दोस्रो चरणको मतदान प्रक्रिया हुने भए पछि सिंहले देउवालाई सघाउने भएका हुन् ।

देउवासँगको भेटवार्तापछि सिंहले सो कुरा बताएका छन् । देउवाले विहानै सिंहसँग कुरा गर्न गृहमन्त्री बालकृष्ण खाँणलाई चाक्सिबारी पठाएका थिए ।

‘अहिले दोस्रो राउण्ड चुनाव हुदा पार्टीलाई महाधिवेशन प्रतिनिधिको मत छ । त्यसलाई अघि बढाउने र पार्टीमा सुधार ल्याउन उहाँले कार्यशैली परिवर्तन गर्ने भएकाले समर्थन गर्ने भएका छौ’, सिंहको भनाइ छ ।