काँग्रेसले सही नेतृत्व खोजेको छ : नेता सिंह

काठमाडौं । नेपाली काँग्रेसका नेता प्रकाशमान सिंहले १४ औँ केन्द्रीय महाधिवेशनबाट पार्टीलाई बलियो बनाउन सही नेतृत्व खोजेको बताएका छन् ।

शुक्रबार बागमती प्रदेश समितिमा आकांक्षीको उम्मेदवारी घोषणा कार्यक्रममा सिंहले लोकतन्त्रको रक्षाका लागि अबको कांग्रेसको नेतृत्व बलियो आउनु पर्ने बताए ।

सिंहले ‘पार्टीमा २० वर्ष देखि ५० वर्षसम्म काम गरिसकेका सबै जना हुनुहुन्छ तर सबैलाई दिन सकिँदैन’, उनले भनें, ‘तर, इच्छा गरेको पाइएन भनेर गुनासो नपोख्ने गरी पार्टीलाई मजबुत गर्न ठीक नेतृत्व र टिमलाई भोट दिन आवश्यक छ’ बताए ।

१४ औं महाधिवेशनमा सभापतिका लागि उम्मेदवारी घोषणा गरिसकेका नेता सिंहले भविष्यमा जनतालाई भरोसा दिने पार्टीको रुपमा काँग्रेसलाई अगाडि बढाउनुपर्ने बताए ।