शिव परियार र रचना रिमालको ‘सुनको चन्द्रमा’ सार्वजनिक (भिडियोसहित)

काठमाडौं । चर्चित गायक शिव परियार र रचना रिमालको स्वर रहेको गीत ‘सुनको चन्द्रमा’ को भिडियो सार्वजनिक भएको छ।

दीपक शर्माको संगीत रहेको गीतमा कलाकार पुष्प आचार्यको शब्द रहेको छ । गीतलाई ओम सुनारले एरेन्ज गरेका छन ।

गीतको म्युजिक भिडियोमा शंकर बिसी, शोवित बस्नेत, उत्सव अधिकारी, दीपा–दामन्ता र डा. प्रतिक्षा पौडेलको अभिनय रहेको रहेको छ ।

भरतपुरको पटिहानीमा गीतको म्युजिक भिडियो छायांकन गरिएको छ ।

गीतको भिडियोले पर्यटकीय स्थल पटिहानीको अम्रेला स्ट्रिट, राप्ती नदी, थारु संस्कृति, बोटे सस्कृति, हात्ती सफारी र थारु संस्कृतिलाई समेटेको छ ।

शंकर बिसीको निर्देशन तथा कोरियोग्राफीमा तयार भएको ‘सुनको चन्द्रमा’ लाई दुर्गा पौडेलले छायांकन गरेका हुन् ।

नबिन घर्ति मगरले सम्पादन गरेको गीतलाई रबि एण्ड उषा मिडियाले निर्माण गरेको हो ।

गीतलाई महेश्वरमान राजभण्डारीले मिक्सिङ तथा मास्टरिङ गरेका छन । ‘सुनको चन्द्रमा’ गायक शिव परियारको अफिसियल युट्युब च्यानलबाट सार्वजनिक भएको छ ।