थाइल्याण्डबाट २४ वटा अक्सिजन कन्सन्ट्रेटर नेपाल आउँदै

३१ वैशाख, काठमाडौं । नेपालबाट ११ यात्रु लिएर थाइल्याण्डको राजधानी बैंकक गएको श्री एयरलाइन्सको जहाज काठमाडौं फर्कँदैछ । यो जहाजले काठमाडौं आउने क्रममा भने थाइल्याण्डबाट थाइ सरकार र गैरआवासीय नेपाली संघ (थाइल्याण्ड)ले दिएका अक्सिजन कन्सन्ट्रेटर नेपाल ल्याउने भएको छ ।

कम्पनीका महाप्रवन्धक अनिल मानन्धरका अनुसार जहाजमाले कुल २४ वटा अक्सिजन कन्सन्ट्रेटर नेपाल ल्याउने छ । ‘कुन निकायबाट कति संकलन भएको थाहा छैन,’ उनले भने, ‘तर, यो थाइ सरकार र एनआरएन थाइल्याण्डले नेपाललाई गरेको सहयोग हो ।’