प्रधानमन्त्रीको शुभकामनामा पुरानै नक्सासहितको निशान छापको प्रयोग, हट्यो चुच्चो !

काठमाडौं । प्रधानमन्त्री केपी शर्मा ओलीले आज सार्वजनिक गरेको शुभकामना सन्देशमा पुरानै नक्सासहितको निशान छाप प्रयोग गरिएको छ ।

प्रधानमन्त्री ओलीको आधिकारीक ट्विटरमार्फत सार्वजनिक गरिएको शुभकामना सन्देशमा चुच्चो नभएको निशान छाप प्रयोग भएको छ ।

pic.twitter.com/ycMxCbR2Lk

— K P Sharma Oli (@kpsharmaoli) October 23, 2020

औपचारिक सन्देशमा लिम्पियाधुरा, कालापानी र लिपुलेक हराएका छन् । प्रधानमन्त्री ओलीले भारतीय दबाबमा वा भुलबस यस्तो नक्साको प्रयोग गरे भन्ने केही खुल्न सकेको छैन ।

भारतीय गुप्तचर निकाय रअका प्रमुख काठमाडौं आएर फर्किएको भोलिपल्ट प्रयोग भएको पुरानै नक्साप्रति आम नागरिकले चासो व्यक्त गरेका छन् ।