नेपालमा पछिल्लो २४ घन्टामा अहिलेसम्मकै धेरै २,७२२ जनामा कोरोना संक्रमण

काठमाडौं । पछिल्लो २४ घन्टामा देशभर अहिलेसम्मकै धेरै संख्यामा कोरोना संक्रमण भएको छ । स्वास्थ्य तथा जनसंख्या मन्त्रालयले पछिल्लो २४ घन्टामा विभिन्न जिल्लामा २ हजार ७ सय २२ जनामा संक्रमण भएको र ११ जनाको ज्यान गएको जनाएको छ ।

मन्त्रालयका प्रवक्ता डा.जागेश्वर गौतमले पछिल्लो २४ घन्टामा थपिएका २ हजार ७ सय २२ जनासहित देशभर संक्रमितको संख्या ८२ हजार ४ सय ५० पुगेको जानकारी दिए ।

संक्रमितमध्ये ६० हजार ६ सय ९६ जना निको भएर घर फर्किएका छन् भने कोरोना संक्रमणबाट ५ सय २० जनाको ज्यान गएको छ ।