नेपालमा कोरोनाका कारण ज्यान गुमाउनेको संख्या १०४ पुग्यो

काठमाडौं – नेपालमा आइबार थप २ जनाको कोरोना भाइरसको संक्रमणका कारण मृत्यु भएको स्वास्थ्य तथा जनसंख्या मन्त्रालयले पुष्टि गरेको छ । योसँगै नेपालमा कोरोनाले ज्यान गुमाउनेको संख्या १०४ पुगेको छ ।

स्वास्थ्य मन्त्रालयका प्रवक्ता डा. जागेश्वर गौतमले नियमित लाइभ अपडेटमा आज थप २ जनाको कोरोनाले मृत्यु पुष्टि भएको जानकारी दिएहा हुन् । आज पर्साका एक पुरुष र मोरङकी एक महिलाको कोरोनाले मृत्यु भएको छ ।

मन्त्रालयका अनुसार शनिबार कपिलवस्तु, पर्सा र धनुषामा एक,एक जनाको कोरोनाले मृत्यु पुष्टि भएको थियो ।

कुन प्रदेशमा कति जनाले ज्यान गुमाए ?

प्रदेश नं १ – ९ पुरुष,१ महिला

प्रदेश नं २ – ३४ पुरुष, ११ महिला

बाग्मती प्रदेश १३ पुरुष, ५ महिला

गण्डकी प्रदेश ६ पुरुष

प्रदेश नं ५ – १० पुरुष, ३ महिला

कर्णाली प्रदेश – ४ पुरुष

सुदूरपश्चिम प्रदेश ५ पुरुष र ३ महिला

हालसम्म जम्मा ८१ पुरुष र २३ महिला गरी १०४ जनाको कोरोनाले मृत्यु भएको छ ।