च्याम्पियन्स लिगमा लियोनको अग्रता, म्यान्चेष्टर सिटी बाहिरियो

एजेन्सी । म्यान्चेष्टर सिटी च्याम्पियन्स लिग फुटबल प्रतियोगिताबाट नमिठो हार ब्यहोर्दै बाहिरिएको छ ।

गएराति भएको क्वार्टरफाईनल खेलमा फ्रान्सेली क्लब लियोनसंग तीन एक गोल अन्तरले पराजित हुँदै सिटी प्रतियोगिताबाट बाहिरिएको हो ।

खेलको २४औं मिनेटमा म्यासवेल कोर्नेटको गोलमा लियोनले सुरुवाती अग्रता बनाएको थियो ।

केभिन डी ब्रुईनीले खेलको ६९औ मिनेटमा सिटीका लागि बराबरी गोल फर्काए ।

डिबक्स भित्र रहिम स्टर्लिङले उपलब्ध गराएको पासमा ब्रुईनीले गोल गरेका थिए ।

बैकल्पिक खेलाडीको रुपमा मैदान छिरेका डेम्बेलेले लियोनलाई जित दिलाउने काम गरे ।

सेल्टिकका पूर्व फरवार्ड डेम्बेले खेल सकिन ११ मिनेट अघि लियोनलाई २–१ गोल अन्तरले अघि बढाए ।

खेल सकिन तीन मिनेट अघि डेम्बेलेले ब्यक्तिगत दोस्रो गोल गर्दै लियोनको जित सुनिश्चित गरे ।

यो पराजयसंगै सिटी च्याम्पियन्स लिगबाट बाहिरिनु पर्यो ।

लियोनले अब सेमिफाईनलमा जमर्न क्लब बायर्न म्युनिखसंग प्रतिस्पर्धा गर्नेछ ।