गोकर्णेश्वर नगरपालिकाको बिद्यार्थी भर्ना तथा कक्षा संचालन सम्बन्धमा सार्वजनिक सुचना

काठमाडौं,श्रावण १८ । गोकर्णेश्वर नगरपालिकाले बिद्यार्थी भर्ना तथा कक्षा संचालन सम्बन्धमा सार्वजनिक सुचना जारि गरेको छ । गोकर्णेश्वर नगरपालिकाका शिक्षा, युवा तथा खेलकुद शाख द्वारा सुचना मार्फत  गोकर्णेश्वर नगरपालिकाका सबै बिद्यालयहरुलाई सम्बोधन गर्दै भनिएको छ,

२०७७ साला श्रावण १६ गते नगर शिक्षा समितिको निर्णय एबम नगरपालिका बाट निर्मित बिद्यालय संचालन सम्बन्धि निर्देशिका २०७७ को अधिनमा रही बिद्यालयमा बिद्यार्थी भर्ना कार्यक्रम मिति २०७७ साल श्रावण १८ गते देखि सुचारु गरि २०७७ साल भाद्र १ गते देखि कक्षा संचालनको आवश्यक सुरक्षित एबम भरपर्दो व्यवस्था मिलाउन अनुरोध गरिएको छ। साथै नगरपालिकाले यहि साउन मसान्त सम्मको परिस्थिति र वातावरणको अध्ययन एबम बिश्लेष्ण गरि आवश्यक थप निर्णय लिइने व्यहोरा समेत सोहि सार्वजनिक सुचना मार्फत जानकारी गराएको छ ।