चेल्सी च्याम्पियन्स लिग छनोटको नजिक

एजेन्सी । चेल्सीले प्रिमियर लिग फुटबल अन्तर्गत गएरती भएको खेलमा नर्विच सिटीलाई पराजित गरेको छ ।

चेल्सीले घरेलु मैदानमा तालिकाको पुछारमा रहेको नर्विच सिटीमाथि एक शुन्य गोल अन्तरको कठिन जित निकालेको हो ।

च्याम्पियन्स लिग छनोटको कठिन दौडमा रहेको चेल्सीलाई पछिल्लो जितले ठुलो राहत र आत्मविश्वास मिलेको छ ।

यो जितले लण्डन क्लब अर्को सिजनको च्याम्पियन्स लिग खेल्ने सम्भावनालाई बलियो बनाएको छ ।

दुई खेल खेल्न बाँकी रहेको अवस्थामा तेस्रो स्थानको चेल्सीले आफुलाई थप सुरक्षित बनाएको छ ।

पहिलो हाफको ईन्जुरी समयमा जिराउडले हेडमार्फत गोल गर्दै चेल्सीलाई जित दिलाएका हुन् ।

दायाँबाट क्रिस्टियन पुलिसिकले दिएको क्रसलाई जिराउडले हेडमार्फत पोस्टको दिशा दिंदै जाली चुमाएका थिए ।

चेल्सीले चौथो स्थानको लेस्टर सिटी र पाँचौ स्थानको म्यान्चेष्टर युनाईटेडसंग ४ अंकको अग्रता लिएको छ ।

चेल्सीलाई एक जितले च्याम्पियन्स लिगमा छनोट गराउनेछ ।

लण्डन क्लबको ३६ खेलबाट ६३ अंक छ । अर्को सिजन रेलिगेशनमा परेको नर्विचको २१ अंक छ ।