नेकपाको विवाद उत्कर्षमा,स्थायी कमिटी बैठक फेरि स्थगित

काठमाडौं – सत्तारुढ नेकपाभित्रको विवादमा सहमति नजुटेपछि सोमबारसम्मका लागि रोकिएको स्थायी कमिटी बैठक फेरि स्थगित गरिएको छ।

पार्टी प्रचार विभागका उपप्रमुख तथा प्रधानमन्त्रीका प्रेस सल्लाहकार सूर्य थापाका अनुसार बैठक बुधबार ११ बजेसम्मका लागि स्थगित गरिएको हो।

स्थायी कमिटी बैठकमा प्रधानमन्त्री तथा पार्टी अध्यक्ष केपी शर्मा ओलीकै राजीनामाको माग उठेपछि नेकपाको विवाद उत्कर्षमा पुगेको छ।

अर्का अध्यक्ष पुष्पकमल दाहाल प्रचण्ड, वरिष्ठ नेता झलनाथ खनाल र माधव नेपालसहितका कमिटीका बहुमत सदस्यले ओलीलाई राजीनामा गराउन जोड दिइरहेका छन् भने ओली आफूले भने पद नछाड्ने अडान लिँदा पार्टीभित्रको विवाद थप बल्झिएको हो।