मन्त्रीलाई बालुवाटार बोलाएर प्रधानमन्त्री राष्ट्रपति भेट्न शीतलनिवासमा

काठमाडौं – प्रधानमन्त्री केपी शर्मा ओली राष्ट्रपति विद्यादेवी भण्डारीसँग भेट गर्न शीतलनिवास पुगेका छन्।

शनिबार साँझ राष्ट्रिपतिलाई भेट्न प्रधानमन्त्री ओली शीतलनिवास पुगेका हुन्।

अहिले प्रधानमन्त्री ओली र राष्ट्रपतिबीच भेटवार्ता भइरहेको र यो नियमित खालको भेटमात्रै भएको प्रधानमन्त्री कार्यालय स्रोतले जानकारी दिएको छ।

यस्तै प्रधानमन्त्री ओलीले केही मन्त्रीहरुलाई साँझ ७ बजे बालुवाटारमा बोलाएका छन्।

छलफलका लागि भन्दै प्रधानमन्त्री ओलीले आफूनिकट र केही पूर्वएमाले समूहका मन्त्रीहरुलाई बालुवाटार बोलाएका छन्।

पार्टी विभाजनको संघारमा पुगेका बेला प्रधानमन्त्री ओलीले दल विभाजनसम्बनधी अध्यादेश ल्याउनका लागि राष्ट्रपतिसँग छलफल गरेको हुनसक्ने अनुमान राजनीतिक वृत्तमा गरिएको छ।