पेट्रोलियम पदार्थको मूल्यवृद्धि फिर्ता लिन नेविसंघको माग

नेपाल आयल निगमले बुधबारबाट लागू हुनेगरी पेट्रोलमा प्रतिलिटर ५ रुपैयाँ र डिजेल र मट्टीतेलमा २/२ रुपैयाँ बढाएको थियो।
पेट्रोलियम पदार्थको मूल्य बढ्दा ढुवानी खर्च बढ्ने र त्यसले उपभोग्य वस्तुको मूल्य बढाउँदा उपभोक्ता मारमा पर्ने नेवि संघले जारी गरेकाे विज्ञप्तिमा उल्लेख छ। नेविसंघले बढेको मूल्य फिर्ता नलिए संघर्षमा उत्रने चेतावनी पनि विज्ञप्तिमार्फत दिएको छ।

‘कोरोनाका कारण संकटमा रहेका नागरिकको घाउमा पेट्रोलियम पदार्थको मूल्य बढाएर सरकारले जनताको घाउमा मलम लगाउनुको साटो नुनचुक छर्किएको छ,’ नेविसंघका महासचिव दीपक भट्टराईले भने, ‘बढेको मूल्य फिर्ता भएन भने नेविसंघ संघर्षमा उत्रिने छ।’