क्रिस्टल प्यालेसलाई बर्नलेले हरायो

जेन्सी । इंग्लिस प्रिमियर लिगमा क्रिस्टल प्यालेसलाई बर्नलेले पराजित गरेको छ । सोमबार राति सम्पन्न खेलमा पाहुना टोली बर्नलेले प्यालेसलाई १-० गोलले पराजित गरेको हो ।

बर्नलेको जितमा एकमात्र निर्णायक गोल खेलको ६२ औं मिनेटमा बेन मीले गरे । जितसँगै बर्नलेको ३२ खेलबाट ४५ अंक रहँदा तालिकाको ८ औं स्थानमा छ । क्रिस्टल प्यालेसले समान खेल खेलेको छ भने ४२ अंकसहित ११ औं स्थानमा छ ।