स्पेनिस ला लिगामा भ्यालेन्सिया, इबरसंग पराजित

एजेन्सी । स्पेनिस ला लिगा फुटबलमा भ्यालेन्सिया पराजित भएको छ ।

घरेलु मैदानमा भ्यालेन्सियाका जोयोफ्री कोन्डोग्बीको आत्मघाती गोलबाट इबरले जित निकालेको हो ।

खेलको १६औं मिनेटमा जियोफ्रीले आत्मघाती गोल गरेका थिए ।

त्यस्तै खेलको अन्तिम समयमा भ्यालेन्सिया १० खेलाडीमा समेटिएको थियो ।

खेलको ८९औं मिनेटमा म्यानगालाले दोहोरो पहेंलो कार्ड पाएर मैदानबाट बाहिरिंदा भ्यालेन्सिया १० खेलाडीमा समेटिएको हो ।

इबरसँग पराजित भएसँगै भ्यालेन्सियाले ३१ खेलमा ४६ अंक जोडेको छ । भ्यालेन्सिया आठौं स्थानमा रहेको छ ।

३१ खेलमा ३२ अंक जोडेको इबर १७औं स्थानमा रहेको छ ।

ला लिगा अन्तर्गत नै अर्को खेलमा रियल बेटिसले स्पानियोललाई एक शुन्य गोल अन्तरले हराएको छ ।